tg-me.com/moslamawoman/98786
Last Update:
إيه اهمية إنك تقدمي رعاية واهتمام لنفسك ❗️
▪️مش رفاهية خالص إنك تشتري مكملات غذائية
▪️ولا رفاهية خالص إنك تعملى كل يوم سموزي وتشربيه
▪️ولا رفاهية إنك تروحي جيم وتهتمي ب لياقتك ورشاقتك
▪️مش رفاهية تختاري اكلك بجودة وعناية
▪️ولا أنك تستثمري فلوسك في مرتبة مريحة تحسن جودة نومك
▪️ولا إنك تاخدي كورس في تطوير نفسك
▪️أو كورس في تحسين صحتك ونفسيتك
📌انتي بتدفعي فلوس في خروجات ولبس وموبايلات وشنط وجزم وماكياجات وحجات لا هتحسن طاقتك ولا هتزود صحتك
♀️اهتمامك بجودة التغذية اللي بتقدميها لنفسك بينعكس على
صحتك وطاقتك ونفسيتك وقدرتك على آداء أعمالك
♀️بتفرق في حركتك وتخلصك من الكسل والتسويف
♀️بتفرق في نشاطك وإقبالك على شغل بيتك وعبادتك
♀️بتفرق في هدوئك وفعالياتك وبعدك عن العصبية
♀️بتفرق في ثباتك الإنفعالي وقدرتك على استقبال الأحداث
♀️بتفرق في صحتك الذهنية والعقليةوبتظبط هرموناتك
♀️بتببعد عنك شبح الإكتئاب والقلق والتوتر والضغط النفسي
🚫لو مانتيش قد المسؤولية اللي ربنا مكلفك بيها وهي تربية
جيل هتكوني قدوة ليه ومطلوب يكون عندك من القوة والنشاط
والفعالية والمتابعة ماتحطيش الحجات دي في اعتبارك
وهتعيشي عادي وتكملي حياتك
🚫لو ضعيفة وهشة ومريضة وعاجزة وسايبة نفسك بالسنين
وعصبية ومتوتره وقلقانة وعندك تشتت وتفكير زائد انتي كدة
بتشيلي ذنب نفسك قدام ربنا لإنك محافظتيش على نعمته اللي
استخلفها فيكي وأمنك عليها
🚫أو تعيشي دور الضحية وتقولي أنا عيشت شمعة تحترق من
أجل الآخرين وصحتي راحت مني
🚫أو أولادي كبروا قدام عنيا مش قادرة أعملهم الحجات اللي
بيحبوها أو إني ما قدرش اكنس وارتب وانضف واحط لمساتي
الأنثوية واتزين واعطر نفسي وبيتي
🚫أو أقول عدى العمر من غير ما ألبس فستان حلو أفرح نفسي بيه أواستقبل زوجي بضحكة مبهجة
لأنك ببساطة اتخليتي عن صفة من أهم صفات الأنوثة وهي القدرة على الاستقبال👌
▪️استقبال كل ما يمنحك القوة والطاقة والدعم من نفسك أو من الآخرين
▪️لأنك شايفة كل ده رفاهية ....ودا معناها إنك شايفة نفسك لاتستحقي...انتي تستحقي لإنك انتي اللي بتبني الأمم
للاشتراك بدوراتنا بسعر مخفض
تواصلي معنا
https://www.tg-me.com/Dawaratt
BY همسات انثويه(امرأة متميزة)
![](https://photo.tg-me.com/u/cdn4.cdn-telegram.org/file/U5bco9_UNEynXq7nPggE-jdNvJoKPk9gwFeZxEtsZua8xHuiDFvH3cII27mZxEqzmXPjTTi-Y1ccs82KcsDZMvcNtKgaSH9mL9JeTnj-AtkzNBNRT0EYmHlr_x12X6DBQQzVcYpWg_z6QLqTuE4CYBqrONV-0lSa31eepfglHq94ViJLYKE0mFpErfieyVSnUKz0RAczdLC6My5QdCLHl-b8hzZCjS8-90BiozqpyUvzcd6MO5wZ-r_E5vP1vC-DSLC3KConRqHCPpMn1mXTAl1Hb_5cev0GSNy9H0mfJyOg6HlXY2DY9ddH35HCtmLYaMcsLVQR4o-34G46rZQzSw.jpg)
Share with your friend now:
tg-me.com/moslamawoman/98786